LAN EREMUAK

TRANTSIZIO EKOLOGIKOA, LANA, ELKARBIZITZA ETA ONGIZATEA

Espezializazio eremuak

Azken aldian bolo-bolo dabil berrikuntza kontzeptua, enpresa, gizarte eta profesional eta askotariko espazioetan. Baina, gizarte berrikuntzaz ari garenean, zertaz ari gara? Zer da Gizarte Berrikuntza eta zertarako sortzen da laborategia?

Gizarte arloko berrikuntza "ikusezina"-z ari gara. Gizarte beharrei erantzuteko eredu sozial berria erabiltzea da Gizarte Berrikuntza. Murgilduta gauden eraldaketa sakonen aro konplexu honetan, gizarteak etorkizuneko erronkei aurrea hartzeko alternatiba eraldatzaileak behar ditu, pertsonen ongizatean eta lankidetzan oinarrituriko egitura eta irtenbide mistoak. Gaur egungo ziurgabetasun eta biharko mehatxuen aurrean, esfera pribatu-publiko-soziala konektatuko dituen esperimentazio markoak beharrezkoak dira, ibilbide handiko belaunaldiak eta promesa berriak uztartuko dituztenak. 

Arantzazulab, beraz, gizarte justuago eta berdinago bat lortzeko herriaren topagune izango da, eraldaketa sozialera eta lehiakorrera bideraturiko ikerketa, esperimentazioa eta sozializazioa sustatuko dituena.

Arantzazulab-en bultzatu nahi dugun gizarte berrikuntza printzipio eta balio zehatz batzurekin lotzen da: komunitatearekin eta lankidetzazko gobernantzarekin. Horrek  bereizten gaitu; eta hain justu, hori da Euskal Herria eraldatzeko eta zein mundu mailan errreferente izateko egin nahi dugun gizarte berrikuntza.

 

 

Lan eremuak

Ingurumena eta gizartegintza ardatz izango dituen proiektu eraldatzailea izan nahi du laborategiak, eta horretarako lau lan-ildo ditu jomugan: elkarbizitza, lana, trantsizio ekologikoa eta ongizatea, eta lau esparru horietan gizarteak izan ditzakeen arazoak eta beharrizanak abiapuntu gisa hartuta, irtenbide eta erantzun berritzaileren bila abiatuko da, elkarlanean.

trantsizio-ekologikoa-arantzazulab-gizarte-berrikuntza-social-innovation-arantzazu-gipuzkoa

Elkarbizitza

ongizatea-arantzazulab-gizarte-berrikuntza-social-innovation-arantzazu-gipuzkoa

Lana

elkarbizitza-arantzazulab-gizarte-berrikuntza-social-innovation-arantzazu-gipuzkoa

Trantsizio ekologikoa

lana-arantzazulab-gizarte-berrikuntza-social-innovation-arantzazu-gipuzkoa

Ongizatea

Garapen Iraunkorreko Helburuak

GIH3

GIH 3. Osasuna eta ongizatea

Guztiontzat eta adin guztietan bizimodu osasungarria bermatzea eta ongizatea sustatzea.

GIH4

GIH 4. Kalitate oneko hezkuntza

Guztiontzako kalitatezko hezkuntza inklusiboa nahiz bidezkoa bermatzea eta etengabeko ikaskuntzarako aukerak bultzatzea.

GIH5

GIH 5. Genero berdintasuna

Genero-berdintasuna lortzea eta emakume nahiz neskato guztiak ahalduntzea.

GIH8

GIH 8. Lan duina eta hazkunde ekonomikoa

Guztiontzako hazkunde ekonomiko jarraitua, inklusiboa eta jasangarria, enplegu betea eta produktiboa nahiz lan duina sustatzea.

GIH10

GIH 10. Ezberdintasunak murriztea

Herrialde bakoitzean eta herrialdeen artean ezberdintasunak murriztea.

GIH13

GIH 13. Klima babesteko ekintza

Neurri urgenteak hartzea klima-aldaketaren eta haren ondorioen aurka egiteko

GIH16

GIH 16. Bakea, justizia eta instituzio sendoak

Garapen jasangarrirako gizarte baketsuak eta inklusiboak sustatzea, guztioi justiziarako sarbidea erraztea, eta erakunde eraginkorrak eta inklusiboak sortzea maila guztietan.

GIH17

GIH 17. Itunak aliantzak sortzeko

Ezarpen-baliabideak sendotzea eta Garapen Jasangarrirako Munduko Ituna biziberritzea.