Zer gara? Zergatik?
Gobernantzaren eta demokraziaren berrikuntza helburu duen laborategia da Arantzazulab. Gobernuen eta gizarte zibilaren arteko harreman ereduaren eraldaketa eta berrikuntza sustatzen ditu laborategiak, hausnarketa , ikerketa eta esperimentazioaren bidez, herritarrak ahalduntzeko, herri politiketan lankidetzazko gobernantza sustatzeko eta demokrazian sakontzeko.
Arantzazulab-ek misio argi bat du: “Demokrazian sakontzeko, Lankidetzazko Gobernantzaren inguruan ezagutza garatzeko gure herriko gunerik
garrantzitsuena izatea, herrigintzaren, erakunde sistemaren eta gizarte eragileen zerbitzura egongo dena”.
Gandiaga Topagunean kokatua, laborategiaren azken helburua da lankidetzarako kultura gizartean hedatzea, herritarren elkargune eta ikaste aktiboko topagune bihurtzea, eta herritarrek agenda publikoan duten inplikazioa eta partehartzea areagotzeko tresna berriak, hurbilpen eraldatzaileak eta ezagutza eskaintzea.
Zer da bereizgarria? Laborategiaren 3 elementu gako
Gure abiapuntua
Arantzazulab gogoeta prozesu sakon baten emaitza izan zen eta lurraldeko eragile ezberdinek sustatuta sortu zen: administrazio publikoa, gizarte eragileak, unibertsitateak eta eragile pribatuak. Gure herriaren demokrazian sakontzeko, eta gobernantzaren alorrean eta euskal gizartearen modu berritzailean hausnartzeko eta esperimentatzeko gunea izateko jarri zen abian 2020ko udazkenean.
Gure ibilbidea
Laborategiaren lehen urteetan anbizio handiko programa abiatu da, lankidetzan burututako hainbat egitasmo aktibatuta, laborategiari oinarri sendoa ezarriz.
Gure memoriak:
2023
2022
2021
Gobernantzan eta Gizarte Berrikuntzan erreferentzia zentro
Arantzazulab Gobernantzan Erreferentzia zentro da Gipuzkoako Foru Aldundiaren Etorkizuna Eraikiz estrategiaren markoan.
Ezagutu Etorkizuna Eraikiz. Etorkizuna Eraikiz kasua: Elkarlaneko gobernantza eraikitzea ziurgabetasun garaietan.
Gobernantza eredua
Egun gobernantza egituran gure herriko 14 eragile erreferentek parte hartzen dute, laborategiari babesa eta zilegitasuna emanez.
Lidergo politiko sendoa, konfiantzazko harremanak eta bidelaguntza funtsezkoak dira gobernantzaren berrikuntzan eragiteko. Euskal Herriko demokrazia - eta partaidetza-kulturaren testuinguruak eta kapital sozialak baldintza sendoak ematen dizkio Arantzazulaben lanari.
Zuzendaritza Batzordean daude (Fundazioko
patronatua): Gipuzkoako Foru Aldundia, Eusko Jaurlaritza, MONDRAGON Korporazioa, Kutxa Fundazioa, Oñatiko Udala eta Arantzazuko Frantziskotarren Probintzia.
Aholku Batzordean bere aldetik aurkitzen dira: lurraldeko hiru unibertsitate nagusiak (UPV/EHU, Deustuko Unibertsitatea eta Mondragon Unibertsitatea), Eusko Ikaskuntza, Agirre Lehendakaria Center, Telesforo Monzon eLab, Orkestra-Lehiakortasunerako Euskal Institutua eta Arantzazuko Adiskideak elkartea.
Zuzendaritza Batzordea
Aholku Batzordea
Gure lantaldea
Diziplina anitzeko taldea gara, goi-mailako prestakuntza duena eta eskarmentu handiko profesionalek osatua (berrikuntzan, estrategian, diseinuan, gizarte zientzietan, komunikazioan). Laborategi berritzaile eta anbizio maila handikoa diseinatu, martxan jarri eta gorpuzteak motibatzen gaitu. Gure misioaren eta helburuen inguruko konpromiso irmoa dugu. Eta Arantzazulab-ek egin nahi duen ekarpenean sinetsita, gobernantzaren eraldaketan gure alea emateko apustuan bat egiten dugu.
Arantzazuko Ondarea
Arantzazuk kulturan, euskaran, artean, arkitekturan, humanismoan eta espiritualtasunean urtetan emari etengabea eskaini dio gizarteari eta hain justu ere, gizarte balioek iturri agortezina dute bertan. Iraganean, beraz, eta beti, apustu berri ausartek sekulako garrantzia izan dute Arantzazun.
Arantzazuko ondare kultura eta artistikoa ez da bakarrik altxor bat Arantzazun eta Euskal Herrian, Arantzazulab-en baitako arlo estrategiko eta Arantzazulab-i, eta sustatzen dugun gizarte berrikuntzari bereizgarritasuna ematen dion esparrua ere bada. Ildo horretan, Arantzazuko ondarea sustatzeko eta eraberritzeko prozesua bultzatzea, dinamizatzea, kudeatzea eta koordinatzea da gure egiteko nagusia esparru honetan.
