Nazio Batuen 2030 Tokiko Koalizioaren Idazkaritzaren egoitza iraunkorraren irekiera Bilbon
Iñigo Urkullu Lehendakariak ongietorria eman dio 2030 Tokiko Koalizioaren Idazkaritzari, Trantsizio Sozialerako eta Agenda 2030erako Agente Anitzeko Foroan ordezkatuta dauden euskal erakundeen eta entitateen izenean, eta eskerrak eman dizkio Nazio Batuei egoitza hori hartzeko Bilbo aukeratu izanagatik. Euskadiko Artxibo Historikoak Bilbon duen eraikinaren seigarren solairuan egongo da Nazio Batuen 2030 Tokiko Koalizioaren Idazkaritzaren egoitza iraunkorra.
Aurkezpena urriaren 31an izan zen, Hirien Munduko Egunean (DMC). Bertan izan ziren Amina J. Mohammed, Nazio Batuetako idazkariorde nagusia eta Garapen Iraunkorrerako Nazio Batuen Taldeko presidentea; Maimunah Mohd Sharif, Nazio Batuen Giza Asentamenduetarako Programaren (ONU-Habitat) zuzendari exekutiboa; José Manuel Albares, Kanpo Arazoetako, Europar Batasuneko eta Espainiako Lankidetzako ministroa; Juan Mari Aburto, Bilboko alkatea; eta BBK-ko presidentea, Xabier Sagredo, beste agintari eta ordezkari instituzional batzuen artean.
2030 Tokiko Koalizioa Nazio Batuen sistema osoaren plataforma eta sarea da, Garapen Iraunkorreko Helburuen (GJH) kokapena babestu eta bizkortzeko. Nazio Batuen sistema, tokiko eta eskualdeko gobernuak eta horien sareak, gobernu nazionalak, sektore pribatua eta Erkidegoko erakundeak biltzen ditu lankidetza sustatzeko, berrikuntza inkubatzeko, konponbideak partekatzeko eta tokiko eragileei 2030eko Garapen Agendaren helburuak lortzen laguntzeko estrategiak ezartzeko. Nazio Batuen Giza Asentamenduetarako Programak (ONU-Habitat), Idazkaritzaren agentzia liderrak, eta Nazio Batuen Garapenerako Programak (PNUD), 2022-2023 aldirako presidente kide birakariak, batera zuzentzen dute. Informazio osoa hemen.
2030 Tokiko Koalizioaren Idazkaritzak, 2030 Tokiko Koalizioaren lana dinamizatuko du, eta GJHak NBEren barruan eta lurralde eta komunitate guztietan kokatzen aurrera egingo du. Espainiako Gobernuarekin, Eusko Jaurlaritzarekin, Bilboko Udalarekin eta BBKrekin duen aliantzak koalizioaren eragin eraldatzailea maximizatuko du, eta haren ahalmen estrategikoa eta katalizatzailea indartuko du. Helburua tokiko eragileei elkarrekin laguntzea da, dauden lokalizazio-ahaleginak aprobetxatzen eta tokiko ekintzarako eta inpakturako irtenbide berritzaileak sortuko dituzten aliantzak elikatzen.
Hain zuzen ere, Arantzazulab, tokiko beste hainbat eragilerekin batera egitasmo honen talde eragilean egongo da. Ohorea da, eta estrategikoa, laborategiarentzat egitasmoa, eta horretarako gakoa izango da eragileen arteko aliantzak aktibatzea, eta maila anitzeko gobernantza sareak indartzea. Arantzazulab-en ekarpenen artean, eta gobernantzaren berrikuntzan zentro bezala duen bere misioarekin lerrokatuta, 2030 agendaren sustapenean herritarrak inplikatzeko tresna berritzaileak proposatzea, gizarte zibilarekin GJH-en eta 2030 Agendaren inguruko elkarrizketa irekitzeko metodologia espezifikoak garatzea, eta finean 2030 Agendan gizartea inplikatzeko ekintzak gauzatzea izango dira egiteko nagusiak, eta hori guztia tokiko beste eragileekin batera lankidetzan egingo du (Kutxa Fundazioa, BBK Kuna, Unesco Etxea, eta abar).
